OLIY TOIFALI O‘QITUVCHILAR UCHUN MAGISTRATURAGA QABULNING YANGI TIZIMI TASDIQLANDI.
Oliy toifali o’qituvchilar uchun magistraturaga qabul.
Oliy toifalilar uchun magistratura qabuli
Hukumatning 322-sonli qarori (2026-yil 24-iyun) bilan maktablarda ishlayotgan oliy toifali oʻqituvchilar uchun pedagogika sohasida maqsadli magistratura tizimi yoʻlga qoʻyildi.
Qarorning asosiy mazmuni va shartlari quyidagicha:
Taʼlim shakli qanday boʻladi?
Oliy toifali oʻqituvchilar magistraturada ishdan ajralmagan holda, masofaviy (onlayn) taʼlim shaklida oʻqiydilar.
Qaysi OTMda oʻqitiladi?
2026/2027 oʻquv yilidan boshlab bunday oʻqitish tizimi Nizomiy nomidagi Oʻzbekiston milliy pedagogika universitetida tashkil etiladi.
Ishlab berish majburiyati:
Maqsadli magistraturani tugatgan oʻqituvchilar oʻqishdan soʻng 3-yil davomida umumiy oʻrta taʼlim tashkilotida (maktabda) ishlab berish majburiyatini oladi.
Xotin-qizlar uchun kontrakt puli toʻlab berilmaydi:
Ushbu qaror asosida maqsadli magistraturaga qabul qilingan oliy toifali oʻqituvchilarga (xotin-qizlarga) davlat byudjeti hisobidan toʻlov-kontrakt mablagʻlarini qoplab berish tartibi (447-sonli qaror) tatbiq etilmaydi.
Qabul tartibi:
Qabul parametrlari har yili ehtiyojdan kelib chiqib Davlat komissiyasi tomonidan tasdiqlanadi va oʻqishga qabul qilish belgilangan umumiy tartibga muvofiq amalga oshiriladi.
