3- va 4-kurs talabalari uchun «Pedagog» platformasida yangi qulaylik joriy etildi.
Maktabgacha va maktab ta’limi vazirligi tizimidagi yangi tashkil etilayotgan maktablarga ishga qabul qilish uchun ariza topshirayotgan oliy ta’lim muassasalarining 3- va 4-kurs talabalari endilikda diplom nusxasini yuklamasdan ariza yuborishlari mumkin.
«Pedagog» platformasida ariza to‘ldirish jarayonida «Diplomlar» bosqichiga o‘tilganda tizim foydalanuvchining talaba maqomini aniqlaydi va maxsus ruxsatnoma oynasini taqdim etadi. Shundan so‘ng talabalar hech qanday diplom hujjatini yuklamasdan «Keyingisi» tugmasini bosib, ariza topshirishni davom ettirishlari mumkin.
Xorijiy va nodavlat oliy taʼlim tashkilotlari uchun 1 452 ta davlat granti tasdiqlandi
