Sahifamizda 2025-2026-o’quv yili uchun super kontrakt narxlari keltirilgan. Har bir oliy ta’lim o’z super kontraktlari summasini e’lon qilmoqda. Tabaqalashtirilgan super kontrakt summasi OTM lar bo’yicha.
Talabalar uchun Super kontrakt narxlari 2025-2026.
Joriy yil super-kontrakt miqdori OTM rektorlari tomonidan belgilanadi. Ancha arzonlashishi kutilmoqda.
Davlat qabul komissiyasi bayoniga muvofiq, 2025/2026-oʻquv yili uchun kirish imtihonlari natijalariga koʻra 56,7 va undan yuqori ball toʻplagan lekin talabalikka tavsiya etilmagan abituriyentlarni bakalavriat taʼlim yoʻnalishlariga qoʻshimcha qabul qilishda tabaqalashtirilgan (super) toʻlov-kontrakt miqdorini rektor (direktor) tomonidan mustaqil belgilash quyidagi tartibda amaliyotga joriy etiladi:
➖qabul chegaralariga 4,05 ballgacha yetmagan abituriyentlar uchun belgilangan tabaqalashtirilgan toʻlov-kontrakt miqdorlari Vazirlar Mahkamasining 2025-yil 13-sentyabrdagi 578-son qarori bilan tasdiqlangan Nizom talablari -,Bunda (1-ilova 73-band)ga asosan belgilanadi;
➖qabul chegaralariga 4,05 balldan ortiq ball yetmagan abituriyentlar uchun tabaqalashtirilgan toʻlov-kontrakt miqdorlari oliy taʼlim muassasalari rektorlari (direktorlari) tomonidan bazaviy toʻlov-kontraktning 3,0 barobaridan kam boʻlmagan miqdorda belgilanadi.
Barcha oliy taʼlim tashkilotlari tomonidan 2025-yil 25-sentyabrga qadar 2025/2026-oʻquv yili uchun bakalavriat taʼlim yoʻnalishlari va taʼlim shakllari kesimida tabaqalashtirilgan toʻlov-kontraktning minimal miqdorlari tasdiqlanadi va rasmiy veb-saytida eʼlon qilinadi.
2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlarga bir yillik oʻqitish qiymatining 50 foizini 2025-yilning 31-oktyabrga qadar (shu kuni ham) toʻlashga ruxsat beriladi.
Shuningdek, bakalavriat taʼlim yoʻnalishlariga kirish imtihonlari natijasi boʻyicha tanlovda ishtirok etib, ikkinchi-beshinchi bakalavriat taʼlim yoʻnalishlaridan biri boʻyicha davlat granti yoki toʻlov-kontrakt asosida talabalikka tavsiya etilgan abituriyentlarga oʻz xohishlariga koʻra ustuvorligi boʻyicha tanlagan birinchi bakalavriat taʼlim yoʻnalishida tabaqalashtirilgan toʻlov-kontrakt asosida oʻqishga ruxsat berildi (maqsadli qabul asosida talabalikka tavsiya qilinganlar bundan mustasno).
Joriy o‘quv yilida tabaqalashtirilgan (super) toʻlov-kontrakt miqdori rektorlar (direktorlar) tomonidan mustaqil belgilanishi amaliyotga joriy etildi.
💰 Bunda qabul chegaralariga 4,05 balldan ortiq ball yetmagan abituriyentlar uchun tabaqalashtirilgan toʻlov-kontrakt miqdorlari OTMlar rektorlari (direktorlari) tomonidan bazaviy toʻlov-kontraktning 3,0 barobaridan kam boʻlmagan miqdorda belgilanadi.
OTM lar super kontrakt narxlari.
⬇️ Shunga ko‘ra, hozircha quyidagi oliygohlarda super kontrakt miqdorlari e’lon qilindi:
Andijon davlat texnika institutida — bazaviy to‘lov-kontraktning 3 baravaridan 4 baravarigacha
Andijon davlat universitetida — 4 baravardan 6 baravargacha
Namangan davlat pedagogika institutida — 3,1 baravardan 6 baravargacha
Termiz davlat universitetida — 4 baravardan 10 baravargacha
Buxoro davlat texnika universiteti — 4 baravardan 6 baravargacha
Denov tadbirkorlik va pedagogika instituti — 3 baravardan 5 baravargacha
Fargʻona jamoat salomatligi tibbiyot instituti — 8 baravardan 15 baravargacha
Jizzax politexnika instituti — 4 baravardan 6 baravargacha
Kattaqo‘rg‘on davlat pedagogika instituti — 4 baravardan 6 baravargacha
Milliy estrada san’ati instituti — 6 baravar
Milliy rassomlik va dizayn instituti — 8 baravar
Namangan davlat universiteti — 4 baravardan 12 baravargacha
Namangan davlat texnika universiteti — 4 baravardan 5 baravargacha
Qoraqalpoq davlat universiteti — 5 baravardan 10 baravargacha
Qoʻqon davlat universiteti — 6 baravardan 8 baravargacha
Samarqand davlat pedagogika instituti — 5 baravardan 6 baravargacha
Samarqand davlat veterinariya meditsinasi, chorvachilik va biotexnologiyalar universiteti — 4 baravar
Samarqand davlat universiteti Urgut filiali — 4 baravardan 6 baravargacha
Samarqand iqtisodiyot va servis instituti — 5 baravardan 7 baravargacha
Termiz davlat pedagogika instituti — 4 baravar
Toshkent arxitektura-qurilish universiteti — 5 baravar
TATU Samarqand filiali — 4 baravardan 5 baravargacha
Toshkent davlat iqtisodiyot universiteti Samarqand filiali — 5 baravar
Toshkent davlat texnika universiteti — 3,5 baravardan 4 baravargacha
Toshkent davlat sharqshunoslik universiteti — 6 baravardan 10 baravargacha
“TIQXMMI” Milliy tadqiqot universiteti — 6 baravardan 19 baravargacha
Toshkent kimyo-texnologiya instituti — 3,5 baravar
TKTI Yangiyer filiali — 3 baravardan 4 baravargacha
TTA Urganch filiali — 4 baravardan 12 baravargacha
O‘zbekiston davlat jismoniy tarbiya va sport universiteti — 4 baravar
Oʻzbekiston Milliy universiteti super kontrakt— 3 baravardan 8 baravargacha
Shahrisabz davlat pedagogika instituti — 3,5 baravardan 6 baravargacha
Chirchiq davlat pedagogika universiteti — 5 baravardan 7 baravargacha
ℹ️ Eslatma: 2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlarga bir yillik oʻqitish qiymatining 50 foizini 2025-yil 31-oktyabrga qadar (shu kuni ham) toʻlashga ruxsat beriladi.
